Abaı oblysynda 14 adamnyń ólimine sebep bolǵan alapat órtke qatysty sot úkimi shyqty
SEMEI. KAZINFORM – Abaı oblysynda 14 adam kóz jumǵan alapat órtke qatysty sot úkimi shyqty.
Borodýlıha aýdandyq sotynda órt qaýipsizdigi talaptaryn buzýy abaısyzda 14 adamnyń ólimine ákep soqtyrǵan «Semeı ormany» memlekettik tabıǵı rezervatynyń eki qyzmetkerine qatysty qylmystyq is qaraldy.
«Semeı ormany» rezervatynda jáne Jańashúlbi fılıalynda basshylyq qyzmetterdi atqarǵan V. jáne K. esimdi aıyptalýshylar órt shyqqan kezde jalyndy sóndirýdi uıymdastyrý boıynsha óz mindetterin oryndamaı, jaǵdaıdy qate baǵalaǵan. Sondaı-aq órtti sóndirý kezinde qaýipsizdik sharalaryn saqtaýdy qamtamasyz etpeýi 14 adamnyń ólimine ákelip soqtyrdy», - dep habarlady aýdandyq sottyń baspasóz qyzmetinen.
V. men K.-nyń kinási kýálardyń aıǵaqtarymen, júrgizilgen saraptamalarmen, oqıǵa bolǵan jerdi qaraý hattamalarymen jáne zattaı dáleldemelermen tolyqtaı dáleldendi.
«Sot eki sottalýshynyń jas balalarynyń baryn, ári aýyrlatatyn mán-jaılardyń joqtyǵyn eskerip, aıyptalýshylardy 7 jylǵa bas bostandyǵynan aıyrdy. Úkim áli zańdy kúshine engen joq», - delingen aqparatta.
