Abaı oblysynda 1300-den astam júrgizýshi qaýipsizdik beldigin taqpaǵany úshin jazalandy

ASTANA. KAZINFORM — Kún saıyn jedel basqarý ortalyǵynyń beınekameralary jol qozǵalysy erejeleriniń buzylýyn tirkeıdi. 

Polisia.kz-tiń málimetinshe eń jıi anyqtalatyn quqyq buzýdyń biri — qaýipsizdik beldigin taqpaı kólik júrgizý.

Jyl basynan beri Abaı oblysynda osy sebeppen 1338 júrgizýshi ákimshilik jaýapkershilikke tartyldy.

Statıstıkaǵa sáıkes, beldik taqqan júrgizýshiniń aman qalý múmkindigi eki ese joǵary. Degenmen kóptegen azamat bul qarapaıym erejeni elemeı,  ómirin qaterge tigýde.

— JBO beınebaqylaý júıesi ereje buzýshylyqtardy avtomatty túrde anyqtap, derekterdi júıege jiberedi, sodan keıin júrgizýshige ákimshilik aıyppul salynady. Sonymen qatar joldarda patrýldik polıtsııa ekıpajdary qyzmet atqaryp, jol qozǵalysy erejeleriniń saqtalýyn tikeleı qadaǵalaýda, — delingen habarlamada.

Aıta ketelik Astanada júk kóligin tizgindegen 2500-den astam júrgizýshi jazalandy.