Abaı oblysynda 1200 bala tarıhı oryndar men kórikti jerlerge baryp, zertteýmen aınalysady
SEMEI. KAZINFORM – Abaı oblysyndaǵy 1200 bala jazǵy kanıkýl kezinde óńirdegi tarıhı oryndar men kórikti jerlerge baryp, zertteýmen aınalyspaq.
Oblystyq Bilim basqarmasynyń basshysy Nurjan Ahmetqalıev balalardyń jazǵy demalysyn uıymdastyrý boıynsha qolǵa alynǵan sharalar týraly baıandady. Balalardyń qaýipsizdigin qamtamasyz etý úshin saýyqtyrý nysandaryna qoıylatyn talaptar algorıtmderi, balalar men ata-analarǵa arnalǵan jadynamalar ázirlendi.
«Abaı oblysynyń 2024-2026 jyldarǵa arnalǵan jazǵy kanıkýl kezeńinde balalardyń saýyqtyrý demalysyn, bos ýaqytyn jáne jumyspen qamtylýyn uıymdastyrý jóninde basqarmalarmen jáne departamenttermen kelisilgen is-sharalar jospary bekitilgen. Balalardyń demalysyn uıymdastyrý boıynsha vedomstvoaralyq óńirlik shtab pen polıtsııa, tótenshe jaǵdaılar, sanıtarlyq-epıdemıologııalyq baqylaý departamentteri ókilderinen quralǵan balalardyń demalysyn uıymdastyrýǵa monıtorıng júrgizý boıynsha vedomstvoaralyq komıssııa quryldy. Jazǵy demalysta ár balany saýyqtyrýymen jáne demalysyn tıimdi ótkizýin uıymdastyrý úshin aldyn ala tizim jasaqtaldy», - dedi ol.
Bilim berý uıymdary demalysty uıymdastyrý jóninde ádistemelik usynymdarmen, saýyqtyrý lagerleriniń jumysy boıynsha algorıtmdermen, balalar men ata-analarǵa arnalǵan jadynamalarmen jáne QR Oqý-aǵartý mınıstrliginiń 1-10 synyp oqýshylaryna arnalǵan «Seniń qýanyshqa toly demalysyń» Guidebook-ymen qamtamasyz etildi.
Sondaı-aq óńirdiń 2024 jylǵy jazǵy kezeńinde balalardyń demalysyn, saýyqtyrylýyn jáne ýaqytyn tıimdi ótkizýin uıymdastyrý tujyrymdamasy ázirlengen.
«Tarıhı-mádenı murany saqtaý jáne balalar týrızmin damytý úshin «Tropa otkrytıı» jobasy qolǵa alyndy. Joba aıasynda 1200 balany qamtıtyn 80 ólketaný jasaǵy quryldy. Olar aımaqtyń tarıhı oryndary men kórikti jerlerine barýǵa múmkindik alady, zertteý jumystarymen de aınalysady. Balalarǵa kásiptik baǵdar berý, tehnıkalyq jáne agrarlyq salalarǵa qyzyqtyrý maqsatynda «Kolledjderdegi jazǵy kásiptik baǵdarlaý lagerleri» jobasy iske asyrylatyn bolady. Bıyl bul joba 9-10 synyptardyń 360 oqýshysyn qamtı otyryp, beıini boıynsha 5 kolledjde bastalady», - dedi Nurjan Ahmetqalıev.
Bilim basqarmasy Shákárim atyndaǵy ýnıversıtetpen birlesip «JAS AKADEMIK-2024» jazǵy mektebin uıymdastyrý boıynsha jumysty jalǵastyrmaq. Onda 130 daryndy bala teorııalyq bilimderin tereńdete otyryp, túrli deńgeıdegi olımpıadalarǵa daıyndalý múmkindigine ıe bolady. Oqýshylar eksperımentter, zerthanalyq zertteýler, «Professorlyq saǵattar», trenıngter men praktıkýmdarǵa qatysady.
Aımaq basshysy Nurlan Uranhaev ákimdik otyrysynda Bilim basqarmasy, qala, aýdan ákimderimen jáne quzyrly memlekettik organdarmen birlesip jazǵy kezeńde balalardyń, sonyń ishinde áleýmettik osal otbasylardan shyqqan balalardyń demalysyn qoldanystaǵy zańnama normalaryna sáıkes uıymdastyrylýyn qamtamasyz etýdi, demalys lagerlerindegi sanıtarlyq jáne basqa da qaýipsizdik sharalaryn saqtaý jóninde tıisti sharalar qabyldaýdy tapsyrdy.
