Abaı oblysynda 10 myń gektardan astam jer memleket menshigine qaıtaryldy
SEMEI. KAZINFORM – Jalpy aýdany 10 myń gektardan asatyn, quny 263 mln teńgeden joǵary bolatyn 13 jer ýchaskesi boıynsha jaldaý sharttarynyń merzimi 2024 jyly aıaqtalǵany anyqtaldy.
Jańasemeı aýdanynyń prokýratýrasymen jer zańnamasy talaptarynyń saqtalýyna júrgizilgen taldaý nátıjesinde jer resýrstaryn basqarý salasynda birqatar zań buzý anyqtaldy.
Jer kodeksine sáıkes, jer ýchaskeleri azamattarǵa jáne zańdy tulǵalarǵa jalǵa berilýi múmkin. Alaıda, jalpy aýdany 10 myń gektardan asatyn, quny 263 mln teńgeden joǵary bolatyn 13 jer ýchaskesi boıynsha jaldaý sharttarynyń merzimi 2024 jyly aıaqtalǵany anyqtaldy.
Soǵan qaramastan, ýákiletti organ osy ýchaskelerdi alyp qoıý jáne olardy memleket menshigine qaıtarý sharalaryn qabyldamaǵan. Bul áreket qoldanystaǵy zańnamanyń buzylýyna jatady.
Tek aýdan prokýratýrasynyń tekserisinen keıin ǵana kórsetilgen jer ýchaskeleri memleket menshigine qaıtaryldy.
Prokýrorlyq qadaǵalaý aktisi negizinde óz qyzmettik mindetterin tıisinshe oryndamaǵany úshin aýdandyq jer qatynastary bóliminiń basshysy tártiptik jaýaptylyqqa tartyldy.
Aıta ketelik bıyl jer qoınaýyn paıdalanýshylarmen 901 mlrd teńgege 551 kelisimshart jasaldy.