Abaı oblysyna bıyl jumys kúshi artyq óńirlerden 238 adam qonys aýdardy

Abaı oblysynda halyqty jumyspen qamtý baǵytynda júıeli jumys jalǵasyp jatyr, dep habarlaıdy Kazinform. 

Oblys ákimdiginiń málimetine súıensek, búginde óńir boıynsha 21 336 jumys orny qurylǵan, bul bekitilgen jospardyń 86%-y. Barlyq is-shara eńbek utqyrlyǵyn arttyrý boıynsha bekitilgen Jol kartasy sheńberinde júıeli júrgizilip jatyr.

«Óńirde jumys berýshilerdi tarta otyryp, bos oryndar jármeńkesi únemi ótkizilip turady. Olarǵa turaqty negizde 150-den astam mekeme qatysady. Sonymen qatar eńbek kúshi artyq óńirlerden qonys aýdarýshylardy kóshirýge 238 adamǵa bólingen kvota merziminen buryn oryndaldy. Qosymsha 150 adamǵa kvota bólýge ótinim berildi», - delingen aqparatta.

Qazir qandastardyń qonys aýdarý jospary 71% bolyp otyr. Jyl sońyna deıin bul kórsetkish tolyǵymen júzege asyrylady dep kózdelgen. Baǵdarlama qatysýshylaryna barlyq memlekettik qoldaý sharalary kórsetilip jatyr.

«Tutastaı alǵanda, qabyldanyp jatqan keshendi sharalar jumyspen qamtý salasynyń negizgi kórsetkishterine qol jetkizýge jáne 2-toqsannyń qorytyndysy boıynsha jumyssyzdyq deńgeıin 4,7%-ǵa deıin tómendetýge múmkindik berdi», - delingen habarlamada.