Abaı oblysyn qoldaý kerek — Premer-mınıstr

ASTANA. KAZINFORM — Úkimet otyrysynda Premer-mınıstr Oljas Bektenov Abaı oblysynyń 6 aıdaǵy kórsetkishteri máz emes ekenin aıta kelip, óńir ákimi Berik Ýálıden onyń sebebin surady.

Ákim baıandamasynan keıin Úkimet basshysy mınıstrlerge Abaı oblysyna qoldaý kórsetýdi tapsyrdy.

— Úkimet múshelerine aıtatynym, Abaı oblysyn qoldaý kerek. Jańadan qurylǵan óńir. Respýblıkalyq bıýdjetten jiberiletin qarajat kólemi jetkiliksiz. Onyń bárin eskerip, kóbeıtý kerek, qoldaý kórsetý kerek, — dedi Oljas Bektenov.

Buǵan deıin Aýyl sharýashylyǵy mınıstri Aıdarbek Saparov Úkimet otyrysynda eldegi veterınarııalyq stansalardyń tehnıkalyq jaǵdaıy qanshalyqty múshkil ekenin baıandady. Aıtýynsha, Abaı oblysyndaǵy 10 aýdannyń jeteýinde veterınarııalyq stansa joq.