Abaı oblysyn kógaldandyrýǵa ártúrli ult ókilderi óz úlesterin qosty
SEMEI. KAZINFORM - Búgin Qazaqstan halqynyń birligi kúnine oraı birqatar is-shara ótýde. Kókpekti aýdanynyń etnomádenı birlestikteriniń ókilderi qorshaǵan orta men tabıǵatty qorǵaýǵa úles qosý úshin Jeńis saıabaǵyna jınaldy. Nátıjesinde, 150-ge jýyq kóshet otyrǵyzyldy.
Іs-shara respýblıkalyq «Taza Qazaqstan» eko-aktsııasy aıasynda ótti.
Aktsııaǵa oqýshylar, aýdan turǵyndary, aýdandyq ardagerler keńesiniń músheleri qatysty.
Saltanatty sharada aýdan ákiminiń orynbasary Marat Temirjanov sóz sóılep, barlyq qatysýshylarǵa osy ıgi iske at salysqandary úshin alǵysyn bildirdi.
Aktsııanyń árbir qatysýshysy kóshet otyrǵyzyp, eli úshin jaýapkershilikti óz moınyna alýǵa daıyn ekendigin kórsetti. Olar otyrǵyzylǵan aǵashty kútip, ýaqytyly sýǵarady.
Іs-sharaǵa túrli ult ókilderi jınaldy. Mysaly, Alfııa Gýseınova - ázerbaıjan. Kókpekti aýylynda týyp-ósken. Qazir kópbalaly ana, ári Kókpekti orta mektebinde muǵalim bolyp jumys isteıdi.
«Búgingi aktsııa týraly estı sala aýylymnyń gúldenýine úles qosý úshin keldim. Óz kóshetimdi otyrǵyzyp, kelesi jyly otbasymmen tolyqtaı kelip kóshet egetin josparymyz bar», - deıdi aýdan turǵyny Alfııa Gýseınova.
Elena Veberdiń ulty – nemis. Aýylda birneshe jyldan beri turady jáne aýdannyń damýynda óz izin qaldyrý úshin aktsııaǵa belsendi qatysty.
«Búgin aýdanymyzda «Taza Qazaqstan» ekologııalyq aktsııasy aıasynda úlken is-shara ótip jatyr. Osy aýyldyń turǵyny retinde aýyldyń gúldenýine óz úlesimdi qosý úshin kóshet otyrǵyzý aktsııasyna keldim. Jalpy bundaı aktsııalar aldaǵy ýaqytta da jıi ótkizilip otyrsa eken degen tilegim bar. Sebebi tabıǵatty aıalap, qorǵaý barshamyzdyń mindetimiz», -deıdi Elena Veber.
Jalpy, Abaı oblysynda 49 etnomádenı birlestik jumys isteıdi.
