Abaı oblysy Jumyldyrý daıyndyǵy basqarmasynyń basshysy taǵaıyndaldy
SEMEI. KAZINFORM – Abaı oblysy Jumyldyrý daıyndyǵy jáne azamattyq qorǵaý basqarmasynyń basshysy bolyp Aqyljan Aqylbekov taǵaıyndaldy.
Aqyljan Aqıqatuly 1981 jyly 26 qyrkúıekte burynǵy Semeı oblysy Aqsýat aýdanynda dúnıege kelgen.
Qazaqstan Respýblıkasy Ulttyq qaýipsizdik komıtetiniń áskerı ınstıtýtynyń «Bólimshelerdiń qyzmettik – jaýyngerlik is-qımyldaryn basqarý» jáne Qazaq ınnovatsııalyq gýmanıtarlyq zań ýnıversıtetiniń «Quqyqtaný» mamandyqtary boıynsha bilim alǵan.
Eńbek jolyn 2002 jyly bastap, 2019 jylǵa deıin QR Ulttyq ulany áskerı bólimderinde vzvod, rota, batalon, polk komandıri laýazymdarynda qyzmet etti.
2019 jyldan 2023 jylǵa deıin QR Ulttyq ulanynyń daǵdarysqa qarsy oqý ortalyǵynyń nusqaýshysy bolyp jumys istegen.
2023 jyldan osy ýaqytqa deıin Abaı oblysy ákimi apparatynyń jumyldyrý daıyndyǵy jónindegi bas ınspektory boldy.
