Abaı oblysy jumyldyrý daıarlyǵy basqarmasyna jańa basshy keldi
SEMEI. KAZINFORM — Abaı oblysy jumyldyrý daıarlyǵy jáne azamattyq qorǵaý basqarmasynyń basshysy bolyp Ersin Eskendirov taǵaıyndaldy.
Ersin Kádirbekuly 1985 jyly 28 jeltoqsanda dúnıege kelgen.
2009 jyly Qazaq gýmanıtarlyq-zań ýnıversıtetin «ekonomıka», 2020 jyly S. Amanjolov atyndaǵy Shyǵys Qazaqstan ýnıversıtetin «quqyqtaný» mamandyǵy boıynsha bitirgen.
Eńbek jolyn QR AShM agroónerkásiptik keshendegi memlekettik ınspektsııa komıtetiniń ShQO Tarbaǵataı aýdandyq aýmaqtyq ınspektsııasynyń kadr mamany retinde bastady.
2012 jyly QR AShM Veterınarııalyq baqylaý jáne qadaǵalaý komıtetiniń Shyǵys Qazaqstan oblystyq aýmaqtyq ınspektsııasynyń ákimshilik-quqyqtyq qamtamasyz etý jáne memlekettik satyp alý bóliminiń bas maman-zańgeri boldy.
2012-2014 Tarbaǵataı aýdany ákimi apparatynyń tótenshe jaǵdaılar jónindegi bas mamany qyzmetin atqarǵan.
2015-2020 jyldary Tarbaǵataı aýdany ákimi apparatynyń basshysy bolyp jumys istegen.
2020-2021 jyldary Tarbaǵataı aýdanynyń jumyspen qamtý jáne áleýmettik baǵdarlamalar bóliminiń basshysy bolyp eńbek etti.
Osyǵan deıin Abaı oblysy Aqsýat aýdany ákiminiń orynbasary laýazymyn atqarǵan.
