Abaı oblysy Jańasemeı aýdanynda brýtsellez aýrýynyń órshýine baılanysty karantın jarııalandy

SEMEI. KAZINFORM – Abaı oblysy Jańasemeı aýdany Bulaq aýylynda iri qara maldan brýtsellez aýrýynyń anyqtalýyna baılanysty shekteý sharalary engizildi,

Eki júzge jýyq mal brýtsellez juqtyrǵan. Bul týraly oblystyq veterınarııa basqarmasynan habarlap otyr.

— Búgingi tańda sharýa qojalyqtarynan 193 bas iri qara mal soıýǵa jiberildi. Barlyq aýrý zerthana arqyly rastaldy, - delingen aqparatta.

Vedomstvonyń habarlaýynsha, veterınarlyq talaptarǵa saı karantındik sharalar júrgizilgen. Alaıda jergilikti turǵyndar saý maldyń ekpesiz qalyp jatqanyna alańdaýly.

— 12-si sıyrym aýrý juqtyrdy. Al kórshimniń jıyrmadan astam sıyry aýyrdy. Aýylda az ýaqyttyń ishinde 300-ge jýyq malymyzdan aıyryldyq. Qazir karantınge baılanysty qalǵan malǵa ekpe salý múmkin emes. Vaktsınany ózińiz satyp alsańyz da jaramsyz bolyp sanalady, - deıdi aýyl turǵyny Serikhan Serikbaıuly.

Veterınarııalyq qyzmettiń málimetinshe, bul eldi mekende sońǵy úsh aıda 50-ge jýyq brýtsellez tirkelgen. Mamandar jaǵdaıdy tekserip, baqylaýdy jalǵastyrýda.

Eske salsaq, buǵan deıin úsh megapolıste 13 zańsyz mal soıý tsehy tabylǵany habarlanǵan.