Abaı oblysy Jarma aýdandyq polıtsııa bóliminiń bastyǵy aýysty

ASTANA. KAZINFORM — Polıtsııa podpolkovnıgi Daýlet Raıstanov Jarma aýdandyq polıtsııa bóliminiń bastyǵy bolyp taǵaıyndaldy. Bul týraly oblystyq polıtsııa departamentiniń baspasóz qyzmeti habarlady.

Ony jeke quramǵa tanystyrý kezinde oblystyq polıtsııa departamenti bastyǵynyń orynbasary, polıtsııa podpolkovnıgi Beıbit Isaqov Daýlet Raıstanovtyń ishki ister organdarynda 2008 jyldan beri qyzmet etip kele jatqanyn, ártúrli, onyń ishinde basshylyq laýazymdardy atqaryp, mol tájirıbe jınaǵanyn atap ótti. 

Tanystyrý barysynda bıylǵy jyldyń 10 aıyndaǵy negizgi jumys kórsetkishteri jarııalanyp, aldaǵy kezeńge maqsattar men mindetter aıqyndaldy. Polıtsııa qyzmetkerleri arasynda tártip pen zańdylyqty qatań saqtaý máselesine erekshe kóńil bólindi.

Buǵan deıin Nurlan Borsýkbaev Jarma aýdanynyń ákimi bolyp taǵaıyndalǵanyn habarlaǵan edik.

Keshe Memleket basshysynyń Jarlyqtarymen QR Ortalyq saılaý komıssııasynyń jańa eki múshesi taǵaıyndalǵany aıtyldy.