Abaı oblysy Tabıǵı resýrstar basqarmasyna jańa basshy taǵaıyndaldy
SEMEI. KAZINFORM — Abaı oblysy Tabıǵı resýrstar jáne tabıǵat paıdalanýdy retteý basqarmasynyń basshysy bolyp Marat Temirjanov taǵaıyndaldy.
Marat Qaparuly 1972 jyly 1 qańtarda Abaı oblysy Kókpekti aýdany Uzynbulaq aýylynda dúnıege kelgen. 1997 jyly «Semeı» memlekettik ýnıversıtetin «Zootehnııa» mamandyǵy boıynsha, 2009 jyly Shákárim atyndaǵy Semeı memlekettik ýnıversıtetin «Ekonomıka» mamandyǵy boıynsha támamdaǵan.
Eńbek jolyn 1993 jyly Kókpekti aýdany Úlgilimalshy sovhozynda veterınar tehnıgi bolyp bastaǵan. Ár jyldary «Abbat» JShS-de, telekommýnıkatsııa salasynda, aýyl sharýashylyǵy jáne qarjy uıymdarynda eńbek etti.
2006-2009 jyldary Kókpekti aýdandyq aýyl sharýashylyǵy bóliminde bas maman, 2009-2010 jyldary Beloe aýyldyq okrýginiń ákimi, 2010-2015 jyldary Kókpekti aýdandyq aýyl sharýashylyǵy jáne veterınarııa bóliminiń basshysy, 2015-2025 jyldary Kókpekti aýdany ákiminiń orynbasary boldy.
2025 jyldyń aqpan aıynan bastap osy ýaqytqa deıin Borodýlıha aýdany ákiminiń orynbasary qyzmetin atqardy.
Eske salsaq, osyǵan deıin Óskemen qalasy ákiminiń orynbasary taǵaıyndalǵany habarlanǵan.