Abaı oblysy polıtsııasy Kóshi-qon qyzmeti basqarmasynyń basshysy $1 myń para alǵan
Sybaılas jemqorlyqqa qarsy is-qımyl agenttigi Abaı oblysy Polıtsııa departamentiniń laýazymdy basshysynyń ustalýyna qatysty tolyq málimet usyndy, dep habarlaıdy QazAqparat.
Abaı oblysynyń Sybaılas jemqorlyqqa qarsy qyzmeti óńirliń Polıtsııa departamentiniń Kóshi-qon qyzmeti basqarmasynyń basshysy men departamenttiń ózge de qyzmetkerleri para alǵanyn áshkerelegen.
Laýazymdy tulǵa óziniń qyzmetkeri arqyly aýdandyq polıtsııa bólimshesiniń qyzmetkerin qalalyq kóshi qon qyzmeti bólimine aýystyrýǵa járdemdeskeni úshin 1000 AQSh dollary kóleminde para alǵan.
Kúdiktiler ustalyp, ýaqytsha ustaý ızolıatoryna qamaldy. Sotqa deıingi tergeý jalǵasyp jatyr», - delingen málimette.
Qylmystyq-protsestik kodeksiniń 201-baby alǵa tartylyp, ózge aqparat jarııa etilmedi.
Eske salaıyq, Abaı oblysy Polıtsııa departamentiniń Kóshi-qon qyzmeti basqarmasynyń basshysy ustalǵanyn buǵan deıin jazǵan bolatynbyz.
