Abaı oblysy menshikti kirister men bıýdjet qarajatyn tıimdi ıgerý boıynsha úzdikter qatarynan kórindi
SEMEI. KAZINFORM — Bıylǵy jyldyń 1-inshi jarty jyldyǵynda Abaı oblysynyń menshikti kiristeri 135,4 paıyzǵa oryndalyp, oblystar bólinisinde eń joǵary kórsetkishke jetti.
Bıýdjet qarajattaryn tıimdi ıgerý qorytyndysy boıynsha 99,6 paıyzǵa oryndalyp, úzdikter qatarynda ekinshi deńgeıge turaqtady.
Bul týraly Abaı oblysy ákimi Berik Ýálıdiń tóraǵalyǵymen ótken óńirdiń 2025 jylǵy 1-inshi jartyjyldyqtyń áleýmettik-ekonomıkalyq damý qorytyndylary týraly ákimdik otyrysynda aıtyldy.
Oblysqa ınvestıtsııa tartýǵa, jańa jumys oryndaryn qurýǵa baılanysty tereń taldaýlar jasaldy. Bıylǵy jyldyń 1 jartyjyldyǵynda oblys ekonomıkasynyń ósýi 3,7% qurady. Ósim kólik salasynda 119,6%, qurylysta 117,4%, baılanysta 108,3%, ishki saýdada 108,3%, aýyl sharýashylyǵynda 104,2%, ónerkásipte 101,1% qamtamasyz etildi.
Abaı oblysynda «Taza Qazaqstan» ekologııalyq baǵdarlamasynyń talaptarynyń oryndalýyna turaqty monıtorıng júrgiziledi. Memleket basshysynyń Alakólge qatysty synynan keıin oblys ákimi apparatynyń ınspektorlary óńirdegi kommýnaldyq jaǵajaılardyń sanıtarlyq jaǵdaıyna taldaý júrgizilip, bul baǵyttaǵy jumysty jandandyrý boıynsha naqty mindetter belgilendi.