Abaı oblysy Qurylys basqarmasynyń basshysy taǵaıyndaldy
ASTANA.KAZINFORM – Serik Tilemesov Abaı oblysy Qurylys basqarmasynyń basshysy bolyp taǵaıyndaldy.
Serik Tilemesov 1991 jyly 13 aqpanda Semeı oblysy Úrjar aýdany Úrjar aýylynda dúnıege kelgen.
2012 jyly D. Serikbaev atyndaǵy Shyǵys Qazaqstan memlekettik tehnıkalyq ýnıversıtetin «Qurylys» mamandyǵy boıynsha aıaqtaǵan.
Eńbek jolyn 2014 jyly Úrjar aýdanynyń turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń jetekshi mamany qyzmetinen bastaǵan.
Ár jyldary Úrjar aýdanynyń sáýlet, qurylys, turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń bas mamany, sektor meńgerýshisi, bólim basshysy, Shyǵys Qazaqstan oblysy Zaısan aýdanynyń turǵyn-úı kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy, aýdan ákiminiń orynbasary, Úrjar aýdany ákiminiń kómekshisi bolyp eńbek etti.
Osy taǵaıyndaýǵa deıin Abaı oblysy Úrjar aýdany ákiminiń orynbasary bolǵan.
2026 jyldyń 4 naýryzynan bastap Abaı oblysy Qurylys basqarmasynyń basshysy bolyp taǵaıyndaldy.
Aıta keteıik, Bekzada Tájibaeva TJM «Qazavıaqutqarý» AQ baspasóz hatshysy bolyp taǵaıyndaldy.