Abaı oblysy Kókpekti aýdanynyń ákimi bolyp Nurbek Qoshqarbaev saılandy
SEMEI. KAZINFORM — Abaı oblysy Kókpekti aýdanynyń ákimi saılaýynda Nurbek Tursynqanuly jeńiske jetti. Ol saılaýshylardyń 68,5%-ynyń daýysyn ıelengen.
Nurbek Tursynqanuly 1979 jyly 5 maýsymda Kókpekti aýdany Kókpekti aýylynda dúnıege kelgen.
Semeı qalasyndaǵy M.O. Áýezov atyndaǵy pedagogıkalyq kolledjdiń «Bastaýysh synyp jáne ulttyq mektepte orys tili páni muǵalimi», M.O. Áýezov atyndaǵy Semeı ýnıversıtetin «Qazaq tili jáne ádebıet muǵalimi», Qazaq ınnovatsııalyq gýmanıtarlyq-zań ýnıversıtetin «Quqyqtaný», Semeı qalasynyń Shákárim atyndaǵy ýnıversıtetin «Qurylys materıaldaryn, buıymdaryn jáne qurastyrylymdaryn óndirý» mamandyqtary boıynsha bitirgen.
Eńbek jolyn Semeı qalasynyń № 33 orta mektebiniń bastaýysh synyptaryndaǵy orys tili pániniń muǵalimi bolyp bastaǵan.
2002-2008 jyldary Semeı qalasynyń № 17 orta mektebinde qazaq tili jáne ádebıeti pániniń muǵalimi, tárbıe jumysy boıynsha dırektordyń orynbasary.
2008-2009 jyldary Semeı qalasynyń № 36 orta mektebinde qazaq tili jáne ádebıeti pániniń muǵalimi, oqý-tárbıe jumysy boıynsha dırektordyń orynbasary.
2009-2010 jyldary Aqmola oblysynyń Jaqsy aýdanynyń Jaqsy aýylynyń № 2 Jaqsy orta mektebiniń dırektory.
2010-2012 jyldary Semeı qalasynyń bilim bóliminiń bas mamany.
2012-2013 jyldary Besqaraǵaı aýdany ákim apparatynyń uıymdastyrý-kadr jáne memlekettik-quqyq jumysy bóliminiń basshysy.
2013 jyldyń aqpan-qyrkúıek aılarynda Semeı qalasy ákim apparatynyń uıymdastyrý-kadr jumysy jáne marapattaý bóliminiń bas mamany.
2013-2014 jyldary Semeı qalasy ákim apparatynyń personaldy basqarý bóliminiń basshysy.
2014-2015 jyldary Semeı qalasy ákim apparatynyń uıymdastyrý-ınspektorlyq jumys bóliminiń basshysy.
2015-2019 jyldary Kýrchatov qalasy ákim apparatynyń basshysy.
2019-2024 jyldary Kýrchatov qalasy ákiminiń orynbasary.
2024 jyldyń jeltoqsan aıynan osy ýaqytqa deıin Besqaraǵaı aýdanynyń ákimi laýazymyn atqarǵan.
Eske salsaq, osyǵan deıin Qostanaı oblysy statıstıka departamentiniń basshysy aýysqany habarlanǵan.