22:12, 16 Aqpan 2024 | GMT +5
Abaı oblysy Kókpekti aýdanynda tótenshe jaǵdaı jarııalandy
KÓKPEKTІ. KAZINFORM – Kókpekti aýdanynda aýa raıynyń qolaısyzdyǵyna baılanysty TJ rejımi engizildi. Bul týraly oblys ákimdiginiń baspasóz qyzmetinen málimdedi.
Kókpekti aýdanynyń ákimi Dildábek Orazbaevtyń sheshimimen jergilikti aýqymdaǵy tabıǵı sıpattaǵy TJ rejımi jarııalandy.
«Kókpekti aýdandyq tótenshe jaǵdaılardyń aldyn alý jáne olardy joıý jónindegi aýdandyq komıssııa otyrysynyń 16 aqpandaǵy №2 hattamasy negizinde Kókpekti aýdanynyń aýmaǵynda jergilikti aýqymdaǵy tabıǵı sıpattaǵy tótenshe jaǵdaı jarııalansyn», - delingen habarlamada.
Tabıǵı sıpattaǵy tótenshe jaǵdaıdy joıý jónindegi shtabtyń basshysy bolyp Kókpekti aýdany ákiminiń orynbasary Marat Temirjanov taǵaıyndaldy.
