Abaı oblysy ekonomıkalyq tergeý departamentine jańa basshy taǵaıyndaldy
SEMEI. KAZINFORM – Abaı oblysy ekonomıkalyq tergeý departamentiniń basshysy bolyp Erjan Bólegenov taǵaıyndaldy.
Erjan Erǵalıuly 1978 jyly Ońtústik Qazaqstan oblysynda týǵan. Abaı atyndaǵy Almaty memlekettik ulttyq ýnıversıtetiniń zań fakýltetin bitirgen.
Eńbek jolyn Astana qalasynyń prokýratýrasynda bastaǵan. 2009-2015 jyldary Astana qalasynyń Esil aýdany jáne Aqmola oblysy Kókshetaý qalasynyń prokýrory qyzmetterin atqardy.
2015-2018 jyldary Pavlodar qalasynyń prokýrory. 2018-2019 jyldary Ońtústik Qazaqstan oblysy prokýrorynyń orynbasary. 2019 jyldan 2021 jylǵa deıin Túrkistan oblysy prokýrorynyń orynbasary.
2021 jylǵy naýryzdan bastap osy ýaqytqa deıin QR Qarjylyq monıtorıng agenttiginiń Qostanaı oblysy boıynsha ekonomıkalyq damý departamentiniń basshysy bolyp jumys istedi.
Eske salsaq, buǵan deıin ShQO ekonomıkalyq tergeý departamentiniń jańa basshysy taǵaıyndalǵany habarlanǵan.