Abaı oblysy Borodýlıha aýdanynda eki úıdiń aýlasy men tasjol sý astynda qaldy

SEMEI. KAZINFORM – Abaı oblysynyń Borodýlıha aýdanynda eki jeke turǵyn úıdiń aýlasy men respýblıkalyq mańyzy bar tasjol sý astynda qaldy.

Abaı oblysynda aýa temperatýrasy kúrt jylytyp, qar joǵary qarqynmen erip jatyr. Borodýlıha aýdanyndaǵy egistikterden erip aqqan sý Mır kóshesindegi 2 jeke turǵyn úıdiń aýlasyna kirdi. 

Foto: Abaı oblysy ákimdigi

«Qazirgi ýaqytta jergilikti atqarýshy organdardan 4 adam jáne 2 tehnıka, «Gordorstroı» JShS-dan 6 adam men 3 tehnıka sýdy burý boıynsha ınjenerlik jumystardy júrgizýde. Sonymen birge erigen sý respýblıkalyq mańyzy bar «Semeı-Petropavlovka-RF shekarasy» tasjoly tósenishine jaıyldy», - dep habarlady óńir ákimdiginen.

Atalǵan jolda kólik qozǵalysy jabylǵan. Avtokólik joly men topyraq betiniń búliný qaýpi joq.