Abaı oblysy Besqaraǵaı aýdanynda mektep qurylysy qarqyndy júrip jatyr
SEMEI. KAZINFORM – Abaı oblysy Besqaraǵaı aýdanynda 300 oryndyq mektep qurylysy qarqyndy júrip jatyr.
Besqaraǵaı aýylynda «Jaıly mektep» ulttyq jobasy aıasynda jańa mektep salynyp jatyr. Qurylysqa 91 adam jumyldyrylǵan.
«Mektep úsh ǵımarattan turady. Oqýshylarǵa arnalǵan demalys oryndary bar. Eki qabattan turatyn bilim oshaǵy 300 oqýshyǵa arnalǵan. Qazirgi ýaqytta qurylys jumystarynyń 35%-i aıaqtalǵan», - dep habarlady Abaı oblysy ákimdiginen.
«Jaıly mektep» jobasy – oqýshylardy jańa formattaǵy mektepte oqytý úshin barlyq jaǵdaıdy qamtamasyz etedi. Bul óz kezeginde aýdanda bilim berý sapasyn arttyrady.
«Bıyl oblys boıynsha «Jaıly mektep» ulttyq jobasy aıasynda taǵy 6 mekteptiń qurylysy júrgizilýde. Atap aıtqanda, Semeı qalasynyń Aqsaı kentinde 600 oryn, Vostochnyı kentinde 300 oryn, Qaraǵaıly shaǵyn aýdanynda 900 oryn, Aıagóz aýdanynyń Aqtoǵaı kentinde 300 oryn, Aqsýat aýdany Ekpin aýylynda 300 oryn, Jarma aýdany Qalbataý aýylynda 300 oryn», - delingen aqparatta.
