Abaı oblysy Besqaraǵaı aýdanynda birqatar nysan ashyldy
Abaı oblysy Besqaraǵaı aýdanynda Respýblıka kúni qarsańynda birqatar nysan ashyldy, dep habarlaıdy Kazinform.
Begen aýylyndaǵy shaǵyn fýtbol alańynyń ashylýyna aýdan ákimi Talǵat Muratov, turǵyndar jáne jas sportshylar qatysty.
«Sharada shaǵyn fýtboldan týrnır uıymdastyrylyp, jeńimpazdarǵa baǵaly syılyq tabys etildi. Jobaǵa oblystyq bıýdjetten 16 mln teńge bólingen», - delingen oblys ákimdiginiń aqparatynda.
Malaıa-Vladımırovka eldi mekeninde mádenıet úıi ashyldy. Qurylysty júrgizgen «Súleımenov» merdiger uıymy aýyl klýbyna mýzykalyq apparatýra syılady.
Aıta keteıik, bul aýylda 763 turǵyn bar. Eldi meken aýdan ortalyǵynan 10 shaqyrym jerde ornalasqan.
«Paıdalanýǵa berilgen Mádenıet úıinde kórkemónerpazdardyń óneri óristep, jastardyń jaqsy bastamalaryna qoldaý kórsetiledi», - dedi Besqaraǵaı aýdanynyń ákimi Talǵat Muratov.
