Abaı oblysy Aıagóz ózeninde sý deńgeıi kóterilip, 172 adam evakýatsııalandy
SEMEI. KAZINFORM - Abaı oblysy Aıagóz aýdanyndaǵy ózenniń sý deńgeıi kóterilip, 172 adam mektep-ınternat jataqhanasyna evakýatsııalandy.
Oblys ákimdiginiń málimetine súıensek, Aıagóz ózeniniń sý deńgeıi kóterilip ketti. Saqtyq sharalaryn saqtaý maqsatynda ózen irgesinde ornalasqan Tólendın kóshesindegi 43 jeke turǵyn úıden 172 adam evakýatsııalandy.
- Turǵyndardy ýaqytsha orynǵa jetkizý úshin 3 avtobýs bólindi. Alaıda azamattardyń kópshiligi týǵan-týystarynyń úılerine ketti. Qalǵandary mektep-ınternat jataqhanasyna jáne jasósipirimder sport mektebine ornalastyryldy, - delingen aqparatta.
Sonymen qatar Aıagóz ózenine jaqyn Eshmaǵanbetov, Shyńǵoja batyr kósheleriniń turǵyndaryna saqtyq sharalaryn saqtaý eskertildi. Barlyǵy 324 turǵyn qamtyldy.
- Mamyrsý aýyldyq okrýginde de sý deńgeıi kóterilip, saqtyq sharalaryn saqtaý maqsatynda ózen jaǵasyna jaqyn ornalasqan 10 úıge, (onyń ishinde 30 eresek, 40 bala) eskertý jasaldy. Evakýatsııa pýnkti daıyn. Tótenshe jaǵdaı boıynsha shtab qurylyp, kezekshilik uıymdastyrylǵan, - delingen habarlamada.
