Abaı oblysy Aıagóz aýdanyna jańa ákim taǵaıyndaldy
Abaı oblysy Aıagóz aýdanynyń ákimi laýazymyna Qanat Ádilbaı taǵaıyndaldy, dep habarlaıdy QazAqparat tilshisi.
Búgin Aıagóz aýdandyq máslıhat sessııasynda Abaı oblysynyń ákimi Nurlan Uranhaev aýdan ákimi laýazymyna jańa kandıdatýrany usyndy. Máslıhat depýtattary Qanat Ádilbaıdy taǵaıyndaýǵa kelisim berdi.
Qanat Serikqanuly 1972 jyly 14 jeltoqsanda Abaı oblysy Aıagóz aýdany Aıagóz qalasynda dúnıege kelgen.
Mamandyǵy — ınjener-ekonomıst, ekonomıka ǵylymdarynyń kandıdaty.
Eńbek jolyn 1996 jyly Semeı qalasy boıynsha salyq ınspektsııasynyń zańdy tulǵalardyń salyq salý bóliminiń birinshi kategorııaly mamany bolyp bastady.
Uzaq jyldar boıy Semeı qalasynyń salyq komıtetiniń tóraǵasy bolyp jumys istep, keıin Qarjy mınıstrliginiń júıesinde eńbek etti.
2019-2021 jyldar aralyǵynda Semeı qalasy ákiminiń bıýdjetti qalyptastyrý jáne atqarý, nesıe jáne keden saıasaty, bank mekemesi, jer qatynastary, aýyl sharýashylyǵy, veterınarııa, ónerkásip, kásipkerlik, baılanys, týrızm jáne saýda, eńbek ınspektsııasy men qorshaǵan ortany qorǵaý salalary jónindegi orynbasary qyzmetin atqarǵan.
Sondaı-aq «AKM Stroıservıs» JShS dırektory boldy.