Abaı oblysy aýmaǵynda jer silkinisi tirkeldi

ASTANA. KAZINFORM – TJM «Seısmologııalyq zertteý ınstıtýty» JShS seısmıkalyq stantsııalar jelisiniń derekteri boıynsha, 27 qyrkúıekte Astana ýaqytymen 22 saǵat 51 mınýtta jer silkinisi tirkeldi.

Jerasty dúmpýleriniń oshaǵy Almaty qalasynan soltústik-shyǵysqa qaraı 852 shaqyrym jerde - Abaı oblysy aýmaǵynda ornalasqan.

Jer silkinisi Semeı qalasynda 2 ball shamasynda sezildi.

Qıraýlar men zardap shekkender týraly málimet joq.

Aıta keteıik, jer silkinisi kezindegi qaýipsizdiktiń 10 qadamy:

1. Úreılenbeńiz.

2. Lıft pen baspaldaqty paıdalanbańyz.

3. Jıhazdan, terezeden alshaq turyńyz.

4. Jasyrynatyn jerdi tabyńyz: joǵarǵy qabattarda negizgi qabyrǵalardyń buryshynda jasyryńyz.

5. Eger tómengi qabatta bolsańyz, ǵımarattan shyǵyńyz. Kópqabatty úılerde dúmpý toqtaǵan soń syrtqa shyǵyńyz.

6. Múmkin bolsa, sýdy, gazdy, elektr qýatyn óshirińiz.

7. Aldyn ala daıyndalǵan dabyl sómkesin alyńyz.

8. Elektr jelilerinen, ǵımarattar men aǵashtardan aýlaq bolyńyz.

9. Qaıtalama dúmpýlerge daıyn bolyńyz.

10. Qarttarǵa, balalarǵa jáne múmkindigi shekteýli adamdarǵa kómektesińiz.

Eske salaıyq, jaqynda Ózbekstannyń Qazaqstanmen shekaralas ornalasqan oblysynda jer silkindi.