ABAY.kz saıty «eń úzdik qazaq tildi saıt» atalymy boıynsha AWARD.kz 2009 ulttyq ınternet syılyǵyn jeńip aldy
Y. Qarashanyń 19-y. QazAqparat /Ádilet Musahaev/ - Keshe Almatyda AWARD.kz 2009 ulttyq ınternet syılyǵyn saltanatty túrde tapsyrý rásimi ótti,
dep habarlaıdy QazAqparat.
Bul baıqaý búgingi tańda Qaznet pen otandyq ınnovatsııalyq qorlar úshin mańyzdy bolyp otyr.
Osydan tórt aı buryn Qaznettegi eń jaqsy degen jobalarǵa baıqaý jarııalanǵan bolatyn. Sol sharanyń qorytyndysy boıynsha keshe eń úzdik degen ınternet saıttardyń jobalary ár túrli atalym boıynsha AWARD.kz 2009 ulttyq ınternet syılyǵyna ıe boldy.
«Mass-medıa» atalymy boıynsha Gazeta.kz úzdik dep tanylsa, Afısha.kz «Mádenıet jáne óner saıty» atalymyn jeńip aldy. Sondaı-aq «Qaznettiń damýyna úles qosqany úshin» atalymyna QR Premer-Mınıstri Kárim Másimovti laıyq dep tapsa, «eń úzdik qazaq tildi saıt» atalymy ABAY.kz saıtyna buıyrdy.
«Búgin bizdiń aıymyz ońynan týyp, qýanyshty kún bolyp otyr. Jalpy bul baıqaýǵa biz birinshi ret qatysyp otyrmyz, ABAY.kz aqparttyq portaly osy jyldyń 15 sáýirinde qurylyp, 5-6 aıdyń ishinde óziniń turaqty oqyrmanyn taýyp otyr. Mundaı sharalar ár saıttarǵa serpin beredi, adamdardy odan ary yntalandyra túsedi. Sondyqtan osyndaı baıqaýlar jıi uıymdastyrylyp tursa jaman bolmas edi», deıdi ABAY.kz saıtynyń ókili Órken Kenjebekov.
