Abaı kúnine arnalǵan Dımash chellendji: Kimder qoldaý kórsetip jatyr

ASTANA. QazAqparat – Qazaqstan azamattary tanymal ánshi Dımash Qudaıbergenniń «Abaı kúnine» oraı bastaǵan chellendjin qoldap, áleýmettik jelide uly aqynnyń óleńderin oqyǵan beınejazbalaryn jarııalap jatyr, dep habarlaıdy QazAqparat tilshisi.

«Abaı kúni» qarsańynda Dımash Qudaıbergen bastaǵan chellendjdi qabyldap, barlyq dostaryma, áriptesterime, mádenıet, óner jáne rýhanııat salasynyń janashyrlaryna joldaımyn. Chellendjge qatysý úshin Abaı Qunanbaıulynyń kez-kelgen shyǵarmasynan úzindi oqyp, #abaychallange heshtegimen jelide jarııalaýǵa bolady», - dep jazdy Mádenıet jáne sport mınıstri Ashat Oralov Facebook paraqshasynda.

Mádenıet mınıstri Abaı Qunanbaıulynyń «Ásempaz bolma árnege» dep atalatyn óleńin oqydy.

«Armysyzdar qurmetti qazaqstandyqtar! Elimizdiń eńbek sińirgen qaıratkeri Dımash Qudaıbergen Dimash Kudaibergen hakim Abaı Qunanbaevtyń mereıtoıyna oraı #Abaychallenge chellendjin bastaǵan. Osyǵan oraı, uly Abaı atamyzdyń keıingi urpaqqa qaldyrǵan máńgilik murasynan úzindi tartý etemin», - degen Prezıdent Іs basqarmasy medıtsına ortalyǵynyń basshysy Alekseı Tsoıda Abaıdyń «Ásempaz bolma árnege» óleńiniń 6 shýmaǵyn jatqan oqyp berdi.

Al, Kókshetaý qalasyndaǵy Joǵary medıtsına mektebinde bilim alyp jatqan pákistandyq stýdent Faiz Ali «Kózimnyń qarasy» ánin naqyshyna keltire oryndady.

Qostanaı oblystyq polıtsııa departamentiniń polıtseıleri de chellendjige ún qosyp, «Kostanay plaza» saýda oıyn-saýyq ortalyǵynda Abaıdyń «Jelsiz túnde jaryq aı» ánin shyrqady.

Dımashtyń chellendjine memlekettik qyzmetshiler, qarapaıym azamattar, mektep oqýshylary, ustazdar qaýymy keńinen qoldaý kórsetip jatyr.