Abaı kúni: ShQO-daǵy túzetý mekemesinde hakimniń ómiri jaıly qoıylym kórsetildi

ÓSKEMEN. QazAqparat – Shyǵys Qazaqstan oblysyndaǵy túzetý mekemesinde Abaı Qunanbaıulynyń 176 jyldyǵyna oraı hakimniń ómiri jaıly syr shertetin qoıylym kórsetildi, dep habarlaıdy QazAqparat tilshisi.

ShQO boıynsha QAJD baspasóz qyzmetiniń málimetine súıensek, OV 156/6 mekemesinde barlyq karantın talaptary saqtala otyryp Abaı kúnine oraı shara ótti. Qaýipsizdigi joǵary túzetý mekemesiniń sottalýshylary «Abaı joly» roman-epopeıasy negizinde uly aqynnyń ómirinen syr shertetin qoıylymdy sahnalaǵan.

«Bul qoıylym Abaıdy, onyń ómirin, muń-qaıǵysyn kórsetip, hakimniń oı-paıymdaryn tereńirek túsinýge múmkindik berdi. Óz basym Abaı Qunanbaıulynyń qaıtalanbas tulǵa ekenine anyq kózim jetkendeı», - deıdi 8 jylǵa bas bostandyǵynan aıyrylǵan sottalýshy.

Esterińizge sala ketsek, 10 tamyz kúni Qazaqstanda Abaı kúni atalyp ótiledi. 2020 jyldyń 4 tamyzynda osyǵan qatysty Úkimettiń arnaıy qaýlysy shyqqan bolatyn.