Abaı kúni: Elimizde uly aqynnyń shyǵarmashylyǵyna arnalǵan 500-den astam is-shara uıymdastyrylady
ASTANA. KAZINFORM — 10 tamyzda Qazaqstanda Abaı kúni atap ótiledi. Uly aqynnyń 175 jyldyǵyna oraı Respýblıkalyq deńgeıde shyǵarmashylyǵyna arnalǵan 500-den astam is-shara ótedi, dep habarlaıdy QR Mádenıet jáne aqparat mınıstrligi.
Oblys ortalyqtarynda mereke Abaı eskertkishterine gúl shoqtaryn qoıýdan bastalady. Sondaı-aq OpenAir formatynda Abaı shyǵarmalaryn oqý, ádebı keshter men karaoke is-sharalar uıymdastyrylady.
Mereke aıasynda Abaıdyń «Jıdebaı-Bórili» memlekettik tarıhı-mádenı jáne ádebı-memorıaldyq murajaı-qoryǵynda «Ólmeıtuǵyn artyna sóz qaldyrǵan...», «Kel jastar biz bir túrli jol tabalyq», «Shákirdiń Abaıǵa arnalǵan estelikteri men óleńderi» is-sharalary, «Abaıdy oqy, tańyrqa...» atty jyr músháırasy, «Túrkistan tarıhy» murajaıynda «Abaı álemi» kórmesi ótedi.
Jastar saıasaty jelisi boıynsha ulttyq jastar onkúndigi aıasynda chellendjder men Abaı shyǵarmalaryn oqý josparlanǵan.
