Abaı kúni Brazılııada atap ótildi
ASTANA. KAZINFORM — Qazaqstannyń Brazılııadaǵy Elshisi Bolat Núsipov Leblon aýdanynyń qalalyq saıabaǵynda ornalasqan Abaı bıýstine gúl shoqtaryn qoıý rásimine qatysty, dep habarlady QR Syrtqy ister mınıstrliginiń baspasóz qyzmeti.
Іs-sharany «Brazılııa-Qazaqstan» dostyq forýmy uıymdastyryp, qazaqtyń uly aqyny jáne fılosofy Abaı Qunanbaıulynyń 179 jyldyǵyn merekeleýge oraılastyrdy.
Kezdesýge dostyq qoǵamynyń músheleri, sondaı-aq Rıo-de-Janeıro qalasy ákimdiginiń ókilderi qatysty. «Brazılııa-Qazaqstan» dostyq forýmynyń atqarýshy dırektory, professor Edelsıo Amerıko qonaqtarǵa portýgal tilinde Abaıdyń «Qara sózder» óleńder jınaǵynan keıbir úzindiler oqydy.
Abaıdyń bıýsti Rıo-de Janeıronyń ortalyq aýdanynda 2023 jyly «Brazılııa Qazaqstan» dostyq qoǵamy men qala ákimdiginiń qoldaýymen turǵyzyldy. Ázirge bul Ońtústik jáne Soltústik Amerıka elderindegi jalǵyz Abaı eskertkishi.
Flıýmınense ýnıversıtetiniń professory Edelsıo Amerıko – Abaıdyń «Qara sózder» shyǵarmalar jınaǵynyń portýgal tiline aýdarmasynyń avtory.
