Abaı kesheninde ǵylymı-restavratsııalyq jumystar júrip jatyr - ShQO ákimi

ÓSKEMEN. QazAqparat - Uly Abaıdyń 175 jyldyq mereıtoıyna oraı Semeı qalasynda jáne Abaı aýdanynda 13,5 mlrd. teńgege qurylys, abattandyrý jáne rekonstrýktsııa boıynsha ınfraqurylymdyq jobalar júzege asyrylýda.

Bul týraly Shyǵys Qazaqstan oblystyq máslıhatynyń altynshy shaqyrylymynyń HL kezekti sessııasynda oblys basshysy Danıal Ahmetov aıtty, dep habarlaıdy QazAqparat tilshisi.

«Bıyl qazaqtyń uly oıshyly jáne aqyny - Abaıdyń 175 jyldyǵy. Mereıtoılyq dataǵa sáıkes Semeı qalasynda jáne Abaı aýdanynda 13,5 mlrd. teńgege qurylys, abattandyrý jáne rekonstrýktsııa boıynsha ınfraqurylymdyq jobalar júzege asyrylýda», - deıdi ShQO ákimi Danıal Ahmetov.

Onyń aıtýynsha, Qaraýyl aýylynda 300 oryndyq mekteptiń jáne sý qubyrynyń qurylysy aıaqtalyp qaldy.

«Abaı kesheninde ǵylymı-restavratsııalyq jumystar júrgizilýde. Aýmaqty abattandyrý, saıabaq pen murajaıdyń qurylysy, sondaı-aq joldardy jóndeý jumystary iske asyrylýda», - deıdi ol.