Abaı eskertkishiniń avtory «Shanhaı rýhy» kompozıtsııasyn jasady
Búgin Shanhaı Yntymaqtastyq uıymy hatshylyǵynda «Shanhaı rýhy» atty músin kompozıtsııasynyń saltanatty ashylý rásimi boldy.
Onyń avtory áıgili sýretshi, músinshi jáne qoǵam qaıratkeri, Beıjińdegi «Tszıntaı» mýzeıiniń dırektory ıÝan Sıkýn. 
Ol 2014 jyldyń 19 naýryzy kúni Qytaı astanasynyń ortalyǵyndaǵy «Chaoıan» parkinde boı kótergen qazaqtyń Uly oıshyly, aqyny Abaı Qunanbaevtyń músinin jasaǵan.
«15 jyl buryn bizdiń uıymymyzdyń negizin qalaýshy kóshbasshylar álemdik qoǵamdastyqqa «Shanhaı rýhy» negizinde memleketaralyq qatynastardyń jańa úlgisin usynǵan bolatyn.
Ol úlgi ózara senim men tıimdilik, teńquqylyq pen ózara aqyl-keńes, mádenıetterdiń sanalýandyǵyn qoldaý, birlesip damýǵa degen umtylys sııaqty máselelerdi qamtıdy. Bul kóppolıarly ádil álem ornatý baǵytyndaǵy shyn mánindegi jańashyl qadam bolatyn»,-dedi «Shanhaı rýhy» kompozıtsııasynyń saltanatty ashylý rásiminde ShYU Bas hatshysy Rashıd Alımov.
