Abaı eńbekterin alǵash ret rýmyn tiline aýdarǵan professor Prezıdenttiń alǵys hatyn aldy

BÝHAREST. QazAqparat - Qazaqstan Elshisi Nurbah Rústemov Abaıdyń «Qara sózderin» rýmyn tiline aýdarǵan Býharest ýnıversıtetiniń shet tilderi jáne ádebıeti fakýltetiniń professory Antoaneta Oltıanýǵa Prezıdent Qasym-Jomart Toqaevtyń alǵys hatyn tabys etti, dep habarlaıdy QazAqparat.

Bul jaıynda QR Syrty ister mınıstrligi málimet taratty.

Memleket basshysy aýdarmashyǵa Qazaqstan men Rýmynııa arasyndaǵy mádenı baılanystardy damytýǵa qosqan úlesi úshin alǵys aıtqan.

Sonymen qatar, Antoaneta Oltıanýdyń kásibı qyzmeti Qazaqstannyń Mádenıet jáne sport mınıstriniń alǵys hatymen de atap ótildi.

A. Oltıaný eńbegine berilgen joǵary baǵa úshin shynaıy rızashylyǵyn bildirip, ekijaqty mádenı baılanystyń ilgerileýine odan ári úles qosýǵa daıyn ekenin rastady.

Aıta keteıik, 2019 jyldyń shildesinde «Nemýra» baspasynda jaryqqa shyqqan Abaıdyń rýmyn tilindegi tuńǵysh eńbekteri oqyrmann yń ystyq yqylasyna ıe bol dy.

2020 jyldyń qyrkúıeginde aqynnyń mereıtoıyn atap ótý aıasynda Býharestiń ortalyq saıabaqtarynyń birinde Abaı bıýstiniń saltanatty ashylýy ótti.