Abaı Begeı Kýbada úsh ánine beınebaıan túsiredi
ASTANA. QazAqparat - Abaı Begeı beınebaıan túsirý úshin 2 aqpan kúni Kýbaǵa attanǵaly otyr, - dep habarlaıdy Baistars.kz.
Abaı Begeımen birge Kýba eline «Sınfrantera» toby, rejısser Rahman Kenjebekov, «Qazaqstan-Aqtaý» telearnasynyń basshysy ushpaq. Ánshi Kýba elinde úsh beınebaıan túsirýdi josparlap otyr. Onyń biri «Sınfrantera» tobymen oryndalatyn ánine jáne óziniń jeke eki ánine. Alaıda naqty qaı ánge sıýjet jasalatyny qupııa ustalyp otyr.
Bul saparǵa jumys toby jarty jyl boıy daıyndalǵan. Kýbalyq rejısserler men tehnıka mamandarymen kelisimsharttar jasaldy. Olar ánshimen jáne onyń tobymen jumys jasaýǵa daıyn. Birinshi beınebaıan efırge naýryz aıynda shyǵady dep josparlanyp otyr.
Eske sala keteıik, buǵan deıin Abaı Begeı «Sınfrantera» tobymen «Aspanǵa qaraımyn» ánine birigip beınebaıan túsirgen bolatyn.
