Abaı Baıgenjın «Medıtsına marshaly» atandy
ASTANA. QazAqparat - QR Ulttyq ǵylymı medıtsınalyq ortalyǵyna medıtsına salasyndaǵy jetistikteri úshin Frantsııanyń bedeldi júldesi - Napoleon ordeni berilip, onyń dırektory Abaı Baıgenjın «Medıtsına marshaly» ataǵyna ıe boldy, dep habarlady QR Densaýlyq saqtaý jáne áleýmettik damý mınıstrliginiń baspasóz qyzmetinen.
«Ǵylym salasyndaǵy kórnekti jetistikter úshin 2012 jyly bizdiń ortalyqqa altyn «Napoleon medali» berildi. Bul alǵashqy qadam boldy. Frantsııa memleketi endigi kezekte eńbegimizdi elep, Napoleon ordenine usyndy. Mundaı syılyqtardy buǵan deıin Shveıtsarııa men Ulybrıtanııadan alǵan edik. Eýropa men Batys elderiniń eńbegimizdi moıyndaýy árıne, - qýanyshty jaıt. Jalpy alǵanda, bul - Qazaqstannyń medıtsına salasyndaǵy jalpy jetistigin moıyndaýy»,-dedi Abaı Baıgenjın. Napoleon ordeni - ekonomıka, bilim jáne medıtsına salasyndaǵy erekshe eńbegi úshin beriletin bedeldi júlde. Ol 1801 jyly Napoleon Bonaparttyń dekreti boıynsha taǵaıyndalǵan. Bul orden 1886 jyly Gýstavo Eıfelge (ózi attas munara qurylysy úshin), 1833 jyly Ben Fýrneıroǵa (gıdravlıkalyq týrbınany oılap tapqany úshin), 1873 jyly Lýı Pasterge (óziniń esimin ıelengen fermentızatsııa úrdisin oılap tapqany úshin) tabys etilgen. Qazirgi ýaqytta atalǵan júldege ıe bolǵandardyń qatarynda «Mıshlen», «Pejo», «Dasso», «Matra», «Reno» sııaqty álemge áıgili kompanııalardyń jetekshileri, onyń ishinde ulttyq jáne halyqaralyq deńgeıde jetistikterge qol jetkizgen perspektıvaly kompanııalardyń basshylary bar.
