Abaı aýdanyndaǵy aýylda ashylǵan órt sóndirý beketine 40 kólik berildi – Qaraǵandy oblysy
QARAǴANDY. QazAqparat - Abaı aýdanynyń Samarka aýylynda jańa órt sóndirý beketi ashyldy. Onyń komandalary órt sóndirýge ǵana emes, olardyń jaýapkershilik aımaǵynda bolyp jatqan kez kelgen tótenshe jaǵdaıdy joıýǵa qatysady, sondaı-aq qıyn jaǵdaıǵa tap bolǵan adamdarǵa kómektesedi, dep habarlaıdy QazAqparat tilshisi.
TJD habarlaǵandaı, Beket ATs-40 órt sóndirý avtokóligimen jabdyqtalǵan.
Qazirdiń ózinde áskerı kezekshilikke úsh adamnan turatyn jeke quram kiristi.
Órt sóndirýshiler arnaıy kıimmen qamtamasyz etilgen.
Órt sóndirý beketiniń saltanatty ashylýyna Qaraǵandy oblysy TJD bastyǵy Ibragım Kúlshimbaev jáne Abaı aýdanynyń ákimi Baýyrjan Asanov qatysty.
«Jańa bekettiń jumysy Samarka aýylynda ǵana emes, aýdannyń jaqyn
ornalasqan eldi mekenderinde turǵyndardyń qaýipsizdik deńgeıin
aıtarlyqtaı arttyrýǵa múmkindik beredi», - dep atap ótti Ibragım
Kúlshimbaev.
Oblystyń kóptegen kentteri men aýyldary aýdan ortalyqtarynan edáýir qashyqtyqta ornalasqan. Bul qutqarýshylardyń kelý ýaqytyna aıtarlyqtaı áser etedi. Jańa órt sóndirý beketiniń jumysy jaqyn mańdaǵy eldi mekenderdegi tótenshe jaǵdaılar týraly habarlamalarǵa jedel áreket etýge múmkindik beredi.
