Abaı aýdanynda Damu Bala arqyly 23 mln teńgeni jymqyryp qoıǵan
ASTANA. KAZINFORM – QMA Abaı oblysy boıynsha departamenti balalar shyǵarmashylyǵyn damytýǵa arnalǵan «Damu Bala» platformasy arqyly memlekettik baǵdarlamany iske asyrýǵa bólingen bıýdjet qarajatyn jymqyrý faktisi boıynsha tergeýdi aıaqtady.
Tergeý barysynda anyqtalǵandaı, «SAMGAU óner& sport mektebi» JShS dırektory shyǵarmashylyq úıirmeler men sporttyq sektsııalardy jan basyna qarjylandyrý baǵdarlamasyn paıdalana otyryp, balalardyń sabaqqa qatysýy jóninde jalǵan málimetter usynǵan.
— Shyndyqqa janaspaıtyn jalǵan málimetteri bar aı saıyn tapsyrylatyn esepter negizinde ýákiletti organ tarapynan jumys istemeıtin úıirmelerge memlekettik qarjy bólinip otyrǵan.
Esep qujattarynda kórsetilgen keıbir balalar shyn máninde sabaqtarǵa qatyspaǵan, tipti keıbireýi ózderiniń bul baǵdarlamaǵa «qatysýshy» retinde tirkelgeninen múldem beıhabar bolǵan.
Máselen, bir bala Almaty oblysynda turatynyna jáne eshbir úıirmege qatyspaıtynyna qaramastan, Abaı oblysynda beıneleý óneri úıirmesiniń qatysýshysy retinde tirkelgen, — delingen QMA habarlamasynda.
Tergeý barysynda memleketke keltirilgen 23 mln teńge zalal kúdikti tarapynan tolyq óteldi.
Sot úkimimen ol kináli dep tanylyp, 6 jylǵa shartty túrde bas bostandyǵynan aıyryldy.
Úkim zańdy kúshine engen joq.
Aıta ketelik Qyzylordada «Damý bala» platformasy arqyly 88 mln teńge jymqyrǵandar sottalǵan edi.