Abaı atyndaǵy opera jáne balet teatryna jańa basshy taǵaıyndaldy - Mádenıet jáne aqparat mınıstrligi

ASTANA. 21 aqpan. QazAqparat - Mádenıet jáne aqparat mınıstri Darhan Myńbaı Abaı atyndaǵy Qazaq memlekettik akademııalyq opera jáne balet teatrynyń ujymyna jańa basshyny tanystyrdy.

Teatrdyń bas dırektory bolyp QR eńbek sińirgen ártisi, eńbek sińirgen óner qaıratkeri, dotsent, Qurmanǵazy atyndaǵy Qazaq ulttyq konservatorııasynyń qurmetti professory, halyqaralyq baıqaýlardyń birneshe dúrkin dıplomanty jáne laýreaty Ǵabıt Nesipbaev taǵaıyndaldy.

Anyqtama: Ǵ.Nesipbaev Chaıkovskıı atyndaǵy Máskeý memlekettik konservatorııasynyń fortepıano fakýltetin (1985) jáne aspırantýrasyn (1987) támamdaǵan.
Qazaq, orys, aǵylshyn, nemis tilderin meńgergen.
Eńbek jolyn 1985 jyly Jambyl atyndaǵy Qazaq memlekettik fılarmonııasynda organıst bolyp bastady.
Ár jyldary Qurmanǵazy atyndaǵy Qazaq ulttyq konservatorııasynda aǵa oqytýshy, dotsent, oqý isi jónindegi prorektor, strategııalyq damý jáne uıymdastyrý isi jónindegi prorektor bolyp istedi.
2005 jyldan osy ýaqytqa deıin Jambyl atyndaǵy Qazaq memlekettik fılarmonııasynyń organısi.
Ǵ.Tóleýtaıuly Qurmanǵazy atyndaǵy Qazaq ulttyq konservatorııasynyń 60 jyldyǵyna arnalǵan «Qurmanǵazy atyndaǵy Qazaq ulttyq konservatorııasynyń tarıhy» atty mereıtoılyq basylymnyń avtory.