Abaı atyndaǵy opera jáne balet teatry bıylǵy josparymen bólisti
ALMATY. QazAqparat – «Opera túni», kvest, álemdik gastrolder men premeralar. Abaı atyndaǵy Qazaq memlekettik akademııalyq opera jáne balet teatry bıylǵy jyldyń baǵdarlamasyn usyndy, dep habarlaıdy QazAqparat tilshisi.
Bıyl teatr sahnasynda Evgenıı Brýsılovskıı, Qanbek Baıseıitov, Qurmanbek Jandarbekov, Gúlfaırýs Ysmaıylova, Sáken Seıfýllın, Sydyq Muhamedjanov, Baıǵalı Dosymjanovtardyń mereıtoılaryna oraı «Birjan-Sara», «Qyz Jibek», «Jumbaq qyz» operalarynyń burynǵy nusqalary qoıylady.
«2019-2020 jyldar bizdiń opera mádenıetiniń qalyptasýy men damýyna úlken úles qosqan mádenıet qaıratkerleriniń mereıtoılaryna toly. Sondyqtan teatrdyń 86-shy maýsymnyń repertýarlary men kontserttik baǵdarlamalarynda sol tulǵalardy nasıhattaýǵa basymdyq beriledi» - dedi Abaı atyndaǵy Qazaq memlekettik akademııalyq opera jáne balet teatrynyń dırektory Aıa Qalıeva.
Sáýir aıynda kópten kútken eki premera bolady. Onyń biri reseılik rejısser Alekseı Smırnovtyń mono-operasy «Anna Franktyń kúndeligi» jáne ekinshisi stenografııalyq sheshimderi bar «Korsar» baleti. Ony ıtalıandyq rejısser Lýchano Kanıto jáne dızaıner Ýılıam Orlandı usynady.
Sonymen qatar, Abaı atyndaǵy opera jáne balet teatry 27 naýryz Halyqaralyq teatr kúnine oraı «Opera túni» biregeı kvestin usynady. Osy kúni kórermender kostıýmdi qoıylymdar men jaryq túsirý boıynsha sýretshilerdiń alýan túrli shyǵarmalaryn tamashalaı alady.
Sondaı-aq, teatr aǵymdaǵy jyldyń naýryz aıynda Semeı qalasyna gastroldik saparǵa shyǵady. Abaıdyń týǵan jerinde almatylyq teatr «Abaı» operasyn qoıýdy josparlap otyr. Tarıhı qoıylymda Qurmanbek Jandarbekovtyń rejısserlik kontseptsııasy men sýretshi Qulahmet Qojyqovtyń stsenografııasy tolyq saqtalǵan.
Mamyr aıynda Abaıdyń 175-jyldyǵyna arnalǵan «Abaı álemi» atty orasan zor opera festıvali ótkizilmek. Shara TÚRKSOI qatysýshy elderiniń opera teatrlary solısteriniń qatysýymen «Abaı» operasynyń qoıylymy arqyly óz máresine jetedi.
Qazaq mýzykalyq óneriniń injý-marjanynyń saltanatty sherýi Reseı, Túrkııa jáne Ulybrıtanııa elderine gastroldik saparmen jalǵasyn taýyp, sońǵy qoıylym uly Abaıdyń mereıtoıyn atap ótý kezinde Frantsııada, Parıjdegi ıÝNESKO-nyń shtab-páterinde ótedi.
