Abaı atyndaǵy memlekettik syılyqty berý týraly Memleket basshysynyń Jarlyǵy shyqty

Memleket basshysynyń Jarlyǵyn tolyq jarııalaımyz

* * *

Qazaqstan Respýblıkasynyń Abaı atyndaǵy ádebıet pen óner salasyndaǵy memlekettik syılyǵyn berý jónindegi komıssııanyń usynymdaryn qarap, QAÝLY ETEMІN:

1. Qazaqstan Respýblıkasynyń Abaı atyndaǵy ádebıet pen óner salasyndaǵy 2022 jylǵy memlekettik syılyǵy:

1) Jaılybaı Ǵalymǵa, aqyn – «Aı tańbaly arǵymaq» óleńder men poemalar jınaǵy úshin;

2) Jaqypbaı Nurqanatqa, rejısser – «Jibek» mıýzıkli úshin;

3) Myrjyqbaı Kenjeǵalı Tursynbekulyna, ánshi – «Júregim neni sezesiń?» kontserti úshin;

4) Sáýketaev Turyspekke, jazýshy – «Jelqaıyq» romany úshin;

5) Segizbaı Kádirbekke, jazýshy – «Taǵdyr tolqyny» romany úshin;

6) Smaǵulov Sembiǵalı Abzalbekulyna, músinshi – «Úsh arys» músindik kompozıtsııasy úshin;

7) Turysbek Seken Kárimulyna, kompozıtor – «Tátti muń» án-kúı partıtýralary, klavırler, óleńder jınaǵy úshin berilsin.

2. Osy Jarlyq resmı jarııalanǵan kúninen bastap qoldanysqa engiziledi.

Qazaqstan Respýblıkasynyń

Prezıdenti Q. Toqaev

Astana, Aqorda, 2022 jylǵy 20 qazan

№ 1050