Abaı atyndaǵy MAOBT sahnasynda Marıın teatrynyń ánshileri Janna Dombrovskaıa men Ahmed Agadı óner kórsetedi
ALMATY. QazAqparat - Almatyda Abaı atyndaǵy memlekettik akademııalyq opera jáne balet teatrynda 2015 jylǵy 25 qańtarda Dj. Verdıdiń «Travıata» operasynda Marıın teatrynyń soltısteri Janna Dombrovskaıa (soprano) jáne Ahmed Agadı (tenor) óner kórsetedi, dep habarlady Afisha.kz saıty.
«Travıata» Djýzeppe Verdıdiń Marııa Pıaveniń lıbrettosyna A.Dıýma-uldyń «Kamelııaly áıel» romany negizinde jazylǵan operasy. Onyń negizine ómirbaıandyq roman alynǵan. Verdı shynshyl, adamdy tebirentetin shynaıy realıstik shyǵarma jasady.
J.Dombrovskaıa Nıý-Iorkte, Rımde, Madrıdte, Máskeýde, Baden-Badende jáne Germanııanyń basqa da qalalarynda, sondaı-aq Ońtústik Koreıada gastrolderde boldy. 2000 jyly N.A.Rımskıı-Korsakov atyndaǵy Sankt-Peterbýrg konservatorııasyn jáne Marıın teatrynyń jas ánshiler akademııasyn bitirgen. 2001-2003 jyldary - Sankt-Peterbrg memlekettik opera jáne balet teatrynyń ánshisi boldy. 2003 jyldan beri Marıın teatrynyń operalyq top quramyndda.
A.Agadı - Reseıdiń eńbek sińirgen ártisi, Tatarstannyń halyq ártisi, Ánshilerdiń Búkilreseılik konkýrsynyń dıplomanty. 1993 jyly P.I.Chaıkovskıı atyndaǵy Máskeý memlekettik konservatorııasyn bitirdi jáne máskeýlik K.S. Stanıslavskıı men V.I.Nemırovıch-Danchenko atyndaǵy mýzykalyq teatrynyń ánshisi boldy. 2005 jyldan Marıın teatrynyń operalyq top quramynda.
Frantsııada, Ulybrıtanııada, Gollandııada, Danııada, Avstrııada, Belgııada, Latvııada, Argentınada, Túrkııada óner kórsetti. 1998 jyly Qazanda ótken F.Shalıapın atyndaǵy Halyqaralyq opera festıvalinde úzdik ánshi bolyp tanyldy.
