Abaı atyndaǵy kórkemsóz oqý sheberleriniń respýblıkalyq baıqaýy ótedi

NUR-SULTAN. QazAqparat - Qazaqstan Respýblıkasy Mádenıet jáne sport mınıstrliginiń Til saıasaty komıteti 20 qyrkúıekte dástúrli Abaı atyndaǵy kórkemsóz oqý sheberleriniń respýblıkalyq baıqaýyn ótkizedi, dep habarlaıdy QazAqparat.

Baıqaýdyń maqsaty – qazaq tiliniń kórkemdik ereksheligin, baı sózdik qoryn nasıhattaý, Abaı jáne basqa da qazaq ádebıeti klassıkteriniń shyǵarmalaryn oryndaý arqyly qazaqtyń kórkem ádebıetine jastardyń yqylasyn arttyrý.

Abaı atyndaǵy kórkemsóz oqý sheberleriniń respýblıkalyq baıqaýyna elimizdiń oblystarynda jáne Nur-Sultan, Almaty, Shymkent qalalarynda ótkizilgen óńirlik konkýrstardyń 17 jeńimpazy qatysady. Baıqaý erejesine sáıkes úmitkerler:

1) Beıimbet Maılınniń, Sáken Seıfýllınniń 125 jyldyǵyna oraı kórkemdigi joǵary prozalyq shyǵarmalarynan úzindi oqıdy.

2) Sábıt Dónentaevtyń, Іlııas Jansúgirovtyń 125 jyldyǵyna jáne Farıza Ońǵarsynovanyń 80 jyldyǵyna oraı poezııalyq shyǵarmalarynan úzindi oqıdy;

Baıqaý jeńimpazdary dıplomdar jáne baǵaly syılyqtarmen marapattalady.