Abaı atyndaǵy opera jáne balet teatryn meıramhana qylǵan – Rınat Zaıytov

ASTANA. KAZINFORM – Májilis depýtaty Rınat Zaıytov Mádenıet jáne aqparat mınıstrliginiń qaramaǵyndaǵy mádenı obektilerdiń máselesin kóterdi. 

«Mádenıet jáne aqparat mınıstrliginiń quzyretindegi mekemelerdiń aınalasyndaǵy daýdyń toqtamaı turǵanyn ózderińiz jaqsy bilesizder. Qara shańyraǵymyz «Qazaqfılm» qazir talan-tarajǵa salynyp, qurýǵa jaqyn qaldy, Abaı atyndaǵy opera jáne balet teatryn keıingi ýaqytta meıramhana qylǵan faktiler bar. Mende dálel joq emes, bar. Sondyqtan aıtyp otyrmyn, - dedi Rınat Zaıtov Májilistiń jalpy otyrysynda. 

Halyq qalaýlysynyń saýalyna Mádenıet jáne aqparat mınıstri Aıda Balaeva jaýap berdi. 

«Kınematografııaǵa qatysty ózimniń naqty usynystarymdy baıandadym. Onyń ishinde atqarylyp jatqan jumystardy sizderdiń aldaryńyzda tanystyrdym. Suraqtarǵa jaýap berýge daıynmyn. Al, uıymdarǵa qatysty suraqtar bolsa ony qaraýǵa bolady, biraq jumysty joqqa shyǵaryp, jaman dep aıtý, meniń oıymsha durys emes», - deıdi vedomstvo basshysy. 

Eske sala ketsek, bıyl tamyzda Mádenıet jáne aqparat mınıstrligi «Qazaqfılmge» qatysty málimdeme jasaǵan edi.