Abaı Alpamysov Qazaqstan Ulttyq basketbol federatsııasynyń prezıdenti bolyp qaıta saılandy
ASTANA. KAZINFORM – Astanada Qazaqstan Ulttyq basketbol federatsııasynyń konferentsııasy ótti.
QR UOK málimetinshe, is-sharaǵa Halyqaralyq basketbol federatsııasynyń (FIBA) prezıdenti sheıh Saýd Alı Ál Tanı, Qazaqstan Respýblıkasy Ulttyq Olımpıadalyq komıtetiniń bas hatshysy Álimjan Aqaev, týrızm jáne sport vıtse-mınıstri Serik Jarasbaev qatysty.
Kún tártibindegi negizgi máselelerdiń biri – Ulttyq basketbol federatsııasynyń basshysyn saılaý boldy. Daýys berý qorytyndysy boıynsha Abaı Alpamysov jańa merzimge federatsııa prezıdenti bolyp saılandy.
Aıta keteıik, Abaı Alpamysov Qazaqstan basketbol federatsııasyn 2022 jyldan beri basqaryp keledi. Buǵan deıin ol 2013-2017 jyldary da uıym prezıdenti qyzmetin atqarǵan.
Sondaı-aq, ol FIBA Azııa basqarmasynyń múshesi.
Erlan Shoıtymov «Ertis» fýtbol klýbynyń bas bapkeri bolyp taǵaıyndalǵanyn jazǵan edik.
