Abaı — Akıf Ersoı: qazaq-túrik jastaryna jańa halyqaralyq bilim granty beriledi
ASTANA. KAZINFORM — Qazaq-túrik jastaryna arnalǵan jańa bilim granty paıda bolady. Bul týraly Ǵylym jáne joǵary bilim mınıstri Saıasat Nurbek aıtty.
— Túrkııa prezıdenti Rejep Taııp Erdoǵannyń Qazaqstanǵa memlekettik sapary aıasynda birqatar kelisimderge qol qoıyldy. Onyń ishinde «Abaı — Akıf Ersoı» stıpendııalyq baǵdarlamasy da bar. Bul — Qazaqstannyń azamattaryna Túrkııanyń jetekshi oqý-oryndarynda stıpendııa arqyly oqý múmkindigin beredi. Sondaı-aq Túrkııa azamattary da Qazaqstanǵa kelip bilim ala alady, — dedi mınıstr.
Eske sala keteıik, búgin Toqaev pen Erdoǵan strategııalyq seriktestik týraly deklaratsııaǵa qol qoıdy.
Eki eldiń resmı delegatsııa músheleri memleketaralyq, úkimetaralyq jáne vedomstvoaralyq deńgeıdegi qujattarmen almasty. Qazaqstan men Túrkııa 14 qujatqa qol qoıdy.
Sondaı-aq Memleket basshysy Qasym-Jomart Toqaev 14 myńǵa jýyq azamatymyz Túrkııada oqyp jatqanyn aıtty.
