12:09, 18 Mamyr 2020 | GMT +6
Abaı – 175 jyl: Elimizde biryńǵaı parasat saǵaty ótedi
NUR-SULTAN. QazAqparat – Sybaılas jemqorlyqqa qarsy is-qımyl agenttigi Oqýshylar arasynda «Parasat saǵaty» respýblıkalyq aktsııasyn ótkizedi, dep habarlaıdy QazAqparat.
Osy jyldyń 18 mamyrynda dástúrli «Parasat saǵaty» kezdesýi onlaın formatta ótkiziledi.
«Abaı Qunanbaevtyń 175 jyldyǵyn eskere otyryp, «Parasat - uly Abaıdyń murasy» taqyrybynda onlaın dáris ótedi. Dáris óskeleń urpaqty adal jáne parasatty bolýǵa shaqyrǵan uly oıshylǵa arnalǵan. Osy aktsııaǵa elimizdiń 9-11 synyp oqýshylary jáne joǵary oqý oryndary men kolledjderdiń birinshi kýrs stýdentteri qatysady», - delingen agenttiktiń baspasóz habarlamasynda.
«Parasat - uly Abaıdyń murasy» onlaın dárisi «Elarna» jáne «Balapan» arnalarynda, Youtube kanalda, sondaı-aq, agenttiktiń jáne onyń aýmaqtyq departamentteriniń, «Adaldyq alańy» jobalyq keńseleriniń áleýmettik jelisinde taratylady.
