Abaı-175: ShQO-da ótken ınteraktıvti sabaqqa 2000-nan astam oqýshy qatysty

ÓSKEMEN. QazAqparat – Shyǵys Qazaqstan oblysynda Abaıdyń 175 jyldyǵyna oraı ótken ınteraktıvti sabaqqa 2000-nan astam oqýshy qatysqan, dep habarlaıdy QazAqparat.

ShQO Bilim basqarmasynyń málimetine súıensek, jýyqta óńir boıynsha 7-shi synyp oqýshylary arasynda «Asyl sózdi izdeseń, Abaıdy oqy erinbe...» atty ınteraktıvti sabaq ótkizilgen. Qazaq jáne aǵylshyn tilderindegi bul sabaqtyń birinshi bólimi dıalogtik alań formatynda boldy.

«Oqýshylar ınteraktıvti jáne tsıfrlyq tehnologııalardy qoldaný arqyly uly aqyn shyǵarmalaryna negizdelgen suraqtarǵa jaýap izdedi. Al ekinshi bólimde onlaın vıktorına júrgizildi. Jalpy osy shara barysynda 2000-nan astam oqýshy qamtyldy. Mundaǵy maqsat – Abaı murasyn óskeleń urpaqqa nasıhattaý», - deıdi basqarma qyzmetkerleri.