Abat Aıymbetov Rýmynııanyń «Petrolýl» komandasyna aýysty

ASTANA. KAZINFORM — Qazaqstandyq fýtbolshy Abat Aıymbetov Rýmynııanyń «Petrolýl» komandasymen kelisimshartqa qol qoıdy.

Bul jóninde rýmynııalyq klýbtyń baspasóz qyzmeti málim etti.

«Petrolýl» komandasy 1924 jyly qurylǵan. Óz elinde 1930, 1958, 1959, 1966 jyldary tórt márte chempıon atansa, úsh márte kúmis, tórt márte qola júldege qol sozdy.

Komanda sapynda negizinen rýmynııalyq fýtbolshylar oıyn kórsetedi. 

Abat Aıymbetov 1995 jyly 7 tamyzda Qyzylorda oblysy Aral aýdanynda dúnıege kelgen. 
Fýtboldaǵy alǵashqy qadamyn 2012 jyly «Aqtóbe» komandasynda bastady. Odan keıin almatylyq «Qaırat», elordalyq «Astana» klýbtarynda oıyn kórsetti.

Al 2024-2025 jylǵy maýsymda ol «Adana Demırspor» sapynda Túrkııa sýperlıgasynda tájirıbesin arttyrdy.

Abat Aıymbetov elimizdiń ulttyq quramasy sapynda 2019 jyldan beri oıyn kórsetip keledi.