Abaqtydaǵy qurylysshy 180 mln teńge urlaǵany úshin ekinshi ret sottalady
ASTANA. QazAqparat - «Oral DızaınStroıServıs» JShS-iniń burynǵy qurylysshysy Keńes Jumabekovke taǵaıyndalǵan úkim ózgerissiz qaldy, dep habarlaıdy «QazAqparat» HAA tilshisi elordalyq prokýratýranyń baspasóz qyzmetine silteme jasap.
6 qyrkúıek kúni Astana qalalyq soty «Oral Dızaın StroıServıs» JShS-iniń burynǵy qurylysshysy Keńes Jumabekovke qatysty sottyń birinshi ınstantsııaly úkimin ózgerissiz qaldyrdy, sottalýshynyń shaǵymy qanaǵattandyrylmady.
Aıta keteıik, 21 maýsym kúni Saryarqa aýdandyq №2 soty Jumabekovti Qazaqstan Respýblıkasy Qylmystyq kodeksiniń 241 jáne 190-baptary, 4-bólim, 2 tarmaǵy boıynsha kináli dep tanyp, múligin tárkileı otyryp, 9 jylǵa bas bostandyǵynan aıyrǵan bolatyn. Buǵan qosa, ol 5 jyl kóleminde qurylys salasynda jumys isteý quqyǵynan da shettetildi.
Jumabekov azamattarǵa jalǵan páterler satýmen aınalysqan. Sonymen qatar, 29 tamyz kúni Saryarqa aýdandyq №2 sotyna Astana prokýratýrasynan Jumabekovke qatysty QR QK-iniń 190-bap, 4-bólim, 2 tarmaǵy boıynsha buǵan deıin jeke óndiriske bekitilgen qylmystyq is jebirildi.
Іs materıaldaryna sáıkes, Jumabekov «Ońtústik shyǵys Kóktal aýyly» turǵyn úı kesheniniń 33 jábirlenýshisinen alaıaqtyq jolmen aqsha jymqyrǵan. Keltirilgen shyǵyn kólemi 180 mln teńgeni quraıdy.
