Abaqtyda otyrǵan azamatqa ákelingen sálem-saýqattyń ishinen esirtki tabyldy
ASTANA. Naýryzdyń 16-sy. QazAqparat /Ǵalymjan Hasenov/ - Óskemen tergeý abaqtysynyń qyzmetkerleri keshe Úlbi qylmystyq polıtsııa bólimindegi áriptesterimen birge esirtki qylmysynyń jolyn kesti,
dep habarlady Qylmystyq-atqarý júıesi komıtetiniń baspasóz qyzmetinen.
Olar tergeýde otyrǵan azamatqa sálem-saýqat ákelgen Shyǵys Qazaqstannyń turǵynyn ustady. Ákelingen azyq-túlikti tekserý kezinde toqashtardyń ishinen jalpy salmaǵy 6 gramdaı geroın salynǵan jeti polıetılen túıinshekteri tabyldy.
Osyndaı taǵy bir qylmys Aqtóbe qalasynyń tergeý abaqtysynda da tirkelip otyr. Oblys turǵyny geroındy abaqtyǵa palaýdyń ishine salyp jetkizbek bolǵan. Eń qyzyǵy, bul esirtki qylmysy úshin isti bolyp, abaqtyda otyrǵan tulǵaǵa arnalǵan bolyp shyqty.
Eki fakti boıynsha da protsessýaldyq sheshim qabyldaý máselesi qaralýda.
