Abaqtyda jazasyn óteýshilerdiń qaýipsizdigi qalaı qamtamasyz etiledi
ASTANA. KAZINFORM — QR Іshki ister mınıstrligi Qylmystyq atqarý júıesi komıteti resmı saýalymyzǵa joldaǵan jaýabynda túrmelerde zań buzýshylyqtardyń aldyn alý úshin qandaı sharalar atqarylyp jatqanyn málimdedi.
— Qoǵamdyq baqylaýdy kúsheıtý maqsatynda árbir jasaqta ornalasqan termınaldar arqyly shaǵym túsirý múmkindigi qamtamasyz etilgen, sondaı-aq jeke qabyldaýlar ótkiziledi. Mekemelerge qoǵamdyq baqylaý komıssııalary jáne Ulttyq aldyn alý tetiginiń ókilderi, sondaı-aq Adam quqyqtary jónindegi bıýro músheleri turaqty túrde baryp turady, — delingen habarlamada.
Sonymen qatar, qazir elimizde 78 túrme jumys istep tur. Sonyń bári de beınebaqylaý kameralarymen qamtylǵan.
— Barlyq mekemede QAJ, ІІM jáne prokýratýra organdarynyń aqparattyq júıelerimen ıntegratsııalanǵan jappaı beınebaqylaý júıesi jumys isteıdi. Memleket basshysynyń tapsyrmasy boıynsha QAJ mekemelerindegi «Jappaı beınebaqylaý» jobasy barlyq 78 penıtentsıarlyq mekemede engizildi, — delingen resmı jaýapta.
Beınebaqylaý júıeleri jasandy ıntellekt jáne beıneanalıtıka tehnologııalarymen jabdyqtalǵan.
— Olar adamnyń bet-beınesin jáne memlekettik tirkeý nómirlik belgilerin tanýdy, tyıym salynǵan aımaqtarǵa kirý faktilerin anyqtaýdy, sondaı-aq beınekamera obektıviniń jabylǵanyn anyqtaýdy qamtamasyz etedi, — dep málimdedi vedomsvto.
Aıta keteıik, buǵan deıin Qazaqstanda qansha adam ómir boıyna túrmede otyrǵanyn jazǵanbyz.
